猪仔 的个人资料Pigじゃんの家照片日志列表更多  |  工具 帮助 |
|
猪仔的又一新blog
|
Pigじゃんの家幻想&真实的国度
3月9日 运动会 前个排，猪仔参加咗支行同省行分别举行的运动会，支行组织果个运动会就好正统啦，有跑步啦，跳远啦，跳高啦，掟铅球啦，接力赛啦，拔河啦。我地个金因为人多势众，所以就自己组成一队啦。不过虽然人多，真正参与的人其实唔多，大家都没咩积极性。搞到部分比赛没人报名，最终没运动细胞的猪仔就俾人摆上台，被人逼咗去跑男女混合100米接力赛！靠，唸下一只猪可以跑几快啊～～～～结果到咗比赛的时候，猪仔仲要系交棒的时候将人地只鞋踩跌咗，搞到我个队友只能着住一只鞋跑完100米。唉，真系瘀啊～～～～～
到咗拔河比赛，我地个金果然所向无敌啊，一路领先！到咗最后决赛，虽然我地个对手实在不是太好，不是太有品，用尽方法浪费我地D气力，不过最终我地都齐心协力拉赢佢地，实在大快人心啊～～～～
同支行的正规运动会相比，省行举行果个就搞笑D，趣味D，因为个主题就系趣味运动会啦，话明趣味，就当然系玩D特别比赛啦，例如几个人抬住个大气球的跑步比赛，戴住个猪八戒面具背住个女生的跑步比赛，系气垫假山上进行的攀岩接力比赛，仲有就系类似超级无敌稳啖食的接波波比赛，总之每个比赛都要一大班人玩，所有项目都讲求团队合作性咯。而且有好多搞笑场面发生，每个支行的代表都好努力甘去比赛，全身心投入啊！！
当然啦，除咗尼D大比赛，各个支行都准备咗摊位供大家参加，而且仲有礼物收，感觉同嘉年华好似，都好开心！！！
入中行甘耐，第一次参加运动会，重要参加两个唔同类型的，真系好过瘾，好开心。而且仲可以见翻一班熟悉的面孔，真系好有亲切感好难忘咯！！ 1月18日 09年春茗 寻晚系我地海珠支行一年一度的表彰兼春茗晚会。同上年一样，都系去咗番禺的四海一品食。不过今年可能因为唔景气拉，所以D奖品啊，菜式啊都缩水得好犀利！不过其实有得食大家都好开心的啦！之前大家都担心没得食，不过好彩最后都系有。起码都可以俾到大家唔少安慰的。
今年个超级大奖系创维的42寸液晶大电视，而所有奖品入面最多的就系床上用品啦！！！猪仔今年無乜所求，但求唔好抽到D床上用品，因为实在唔需要！最终成晚落黎，猪仔一个奖都没中，依然维持我尼个没中奖命的传统。不过猪仔都好开心的拉，因为起码没中到自己唔想要的野啊，而且有100蚊广百购物券的安慰奖，都唔错啦！
今年上菜俾上年好咗少少，记得上年大家都系挨住肚饿甘睇表彰，不过今年睇表彰的时候，上咗两碟点心，等大家可以医下个五脏庙，唔使饿甘耐。都算人性化啦！！！今年个菜式同上年相同的唔多，猪仔只记得个大连鲍同黄糖糕上年都有，但其他就無印象了。但今年没咗D奇怪特别的菜式，都系D劲普通的菜式。水煮牛肉，白切鸡，多宝鱼，虾，拼盘，鹅掌，竹笙。
同上年最大的唔同，感觉酒水少咗，同埋饮大咗的人少咗。至少今年师傅就没上年甘high到处聊人饮酒啦！就算猪仔亲自去聊佢，佢都唔饮，竟然话今年唔饮酒，靠！没隐啊！
总结2008年，猪仔系工作上都几大喜大悲咯，今年系工作上都没乜所求，但求可以顺顺利利，开开心心就得了。如果可以唔再烦客服的事情，甘就最好拉！不过应该都系妄想黎的啦！
12月29日 超级正的小猪演唱会 寻晚，猪仔同婧婧去咗天体睇小猪的演唱会，实在太兴奋，太开心啦！由系电视度知道佢要黎广州开首个个人演唱会开始，猪仔就决定一定要去睇啦，可惜老公对尼样無兴趣，不过好彩最后猪仔稳到同我一样甘钟意小猪的婧婧一齐去睇，系买到票个刻开始，我地两条友就开始亢奋甘期待演唱会尼日的离临啦！
其实猪仔都唔记得由几时开始甘钟意小猪了，一直以黎都觉得佢好掂，唱歌OK ，主持OK，做戏都OK，甘全面的艺人真系好难稳到咯。所以难得佢今次终于黎广州开演唱会，猪仔肯定要去捧场拉！今次我地买咗480的票，位置离舞台好近，12排，不过系偏右手边D的位置，开头都好担心会系最边的，好彩最后都唔系，真系太好啦！
一开场就已经全场high爆了，小猪真系好型啊！！！仲好靓仔啊！而且一开始就已经疯狂甘跳D唔同类型的劲舞，真系超掂啊！舞台效果好正，如果系坐680对正舞台果种，应该可以睇得仲清楚咯，不过其实我地个位都睇得佢好清楚的啦！起码只要戴眼镜就可以睇到，唔似山顶位，可能用望远镜都睇唔到。
成场小猪都好识搞气氛，时不时讲D好笑野，又做D好得意的动作，真系好可爱啊～～～～～至于佢演唱会例牌的稳女朋友环节，稳到个女仔系坐系猪仔个区的第三排，小猪拖住佢只手唱歌俾佢听，真系好lum啊，而且仲抱住佢好耐，劲羡慕啊！可惜个女仔俾人感觉就好唔掂，一睇就觉得佢唔系小猪的fans,完全好唔互动，表情都好冷喔，真系筛晒小猪只lum歌，同埋d感情。
今次演唱会，小猪都有亲自弹钢琴啊，好正啊！个feel真系好掂啊！到最后首twinkle好过瘾啊，小猪要全场同佢一齐做动作，大家举起双手，一齐唱一齐做动作，好好玩啊！真系high到唔知讲咩啦！
今次罗妈妈都有黎，可惜猪仔因为高度问题，被前面D人挡住睇唔到，而婧婧就好好彩见到啦，果然高人有着数D啊！！！发觉小猪对佢fan club D粉丝都好好哦。每次提到佢地都叫佢地老婆，仲不停甘宣传佢个fan club-SFC，唔怪之得甘多人love佢啦！而且好多都系靓女！
 好唔舍得甘睇完演唱会，猪仔同婧婧都做咗件劲唸唔到的事情，就系做咗次疯狂追车一族啦！见到部估计系小猪坐的保姆车，我地两条友都跟住其他人疯狂甘追过去，原黎做追车一族系件几攰的事情黎噶！！！
就系甘，猪仔就将自己好多个第一次奉献咗俾小猪演唱会啦，第一次睇演唱会，第一次疯狂大叫，第一次追车！第一次做疯狂fans。呵呵，成个过程真系好开心，好high！希望以后有机会可以再睇亲身睇多次佢个演唱会啦！ 12月21日 唔知点解，尼两个星期成个人都好攰好郁闷，可能因为做野太辛苦啦，而且成日都要处理Ｄ麻烦事麻烦人，搞到成个人都几崩溃。去咗银行卡都有个1个几月了，原本以为唔使再烦处理Ｄ客户问题，点知，始终都系要对客。
唔使系柜台，大家都话好，其实的确有好的地方，上班时间固定咗，就算点夜走都唔会超过8点，中午有两个钟休息，周末有得固定双休，一切睇落都好好。但其实原黎系办公室都唔系咩都好的。至起码唔可以再学似系网点可以选择休息时间啦，人工又少佐啦，仲有就系每日都無可能完完全全做晒所有的野，个脑时时刻刻都唸住工作，唸住要处理的客户问题。
可能系因为猪仔太有责任心，又或者猪仔太怕麻烦了吧！依家每日都有唔同的问题要处理，网点的问题，客户的问题，每次一接到电话，就代表又有新的问题要解决，可以即刻解决的就最好啦，但往往有D问题系要花时间花精力去解决，而且可能唔系一次搞掂。每日都要惊自己处理得唔好会有手尾。越黎越发觉自己好唔圆滑，好无讲野的能力，好無处理事情的能力。以为唔使再对住D陌生人低声下气甘道歉，赔不是，但每日都要讲几次。一切睇落都唔关我事，但一切都要我去处理。原因好简单，因为我系负责客服，我系代表银行，所以我就要做。
今日同老公唸住去睇电影，点知去到电影院，多人到爆！最后唯有放弃翻屋企。猪仔先发觉以前舒舒服服睇电影的日子已经不复存在了。周末出街周围都系甘多人，真系好唔舒服，好压抑咯。老公要我下个月陪佢去香港，原本佢要我8，9号去，但我睇下日历，发觉系星期四，五，我就知道無可能了。如果系网点，我唸尼D事情都唔会发生咯。突然觉得自己唔可以主宰自己D休息，等自己可以舒舒服服甘睇电影，同去旅行，真系几悲哀下。
咩叫有得有失，猪仔今次都终于明白了。可以体会到点解之前卢宇峰话羡慕我仲系网点的日子了。其实人就系甘奇怪的了，失去了先开始怀念以前。 11月26日 又大一岁咯 今日猪仔牛一，比起上年的生日，今年有D唔同。今年猪仔要返工，因为去咗新部门，所以無得学似系网点的时候甘可以选择生日休息，無计啦！不过好彩今日一切都顺利，没咩唔开心事情发生，唯一无聊就系要晨早8点翻去参加个火警演习，真系超级无聊啊！！！！
今年生日猪仔选择翻屋企同老豆妈子一齐过，其实由上个星期五开始，猪仔就一直为生日系度不停庆祝啦，好味的蛋糕都吃咗几次啦！不过猪仔都真系好开心咯！！因为大家都愿意陪我一齐庆祝生日！真系多谢晒亲爱的你地啊！艳仪同佢老公啦，朋朋啦，阿YEN啦，婧婧啦，小四啦，FOX啦，OJ啦（今年终于無缺少你啦），刘林东啦（我地真系好耐無见过啦），Dr啦，小晖晖啦，NaNa啦，李园啦，师傅啦，琼姐同佢老公啦，王主任啦，阿丰啦，阿康啦，仲有就系颖敏啦，梁韵啦，卢宇峰啦！总之要多谢的人太多啦！！！当然仲有我最最最重要的老豆妈子，如果無你地，又点会有我尼只猪仔呢！！！！！最后仲有一个对猪仔无微不至的人要多谢的，就系我最爱的老公！多谢你又俾咗个难忘的生日我啊！多谢你陪我一齐倒数迎接生日，多谢你精心挑选的玫瑰&百合花，多谢你陪猪仔系生日许愿，猪仔今日真系过的好好好.......好心啊！！ 11月12日 盘龙峡（下部） 其实系盘龙峡的第二日，猪仔同老公都没咩活动，一早起身去咗吃个免费自助早餐，感觉都OK啦，中西早餐都有，两条友都吃到好饱！跟住我地就继续上山去影相啦。因为之前都没好好影相，所以要好好利用剩余的时间去影相！
不过今次上山我地没搭汽车，而系改为行路上去，当然啦，我地的最终目的地都只系瀑布群。沿住条山路一路行，同样都系人烟稀少，不过早上山上的空气真系唔错咯，而且猪仔发觉感觉唔同咗。之前因为惊天黑赶住行落山，但依家就剩系行山，完全唔使唸咩！可能心情唔同咗，所以发现到好多好靓好得意的花啊，树啊！而且猪仔都可以研究下条漂流的河道，睇下惊险的地方有几多。甘下次黎玩就有经验啦！
 行咗唔知几耐，终于到咗瀑布群啦，每条瀑布都好唔同咯，不过每条瀑布都好高，虽然话寻日先落过雨，不过有D瀑布的水流都系好细。每条瀑布都有个名，其中有条就话系龙王个仔化身而成的，发觉D旅游点好多尼D神话传说，唸深一层，如果没尼D神话传说，甘D旅游点系米唔会甘出名呢？系瀑布群的时候，基本都系得猪仔同老公两条友，搞到影相都好麻烦，不过好彩行到最后一条瀑布的时候，终于见到D路人甲乙丙丁啦，哈哈！我地当然捉紧机会叫佢地帮手影二人相的啦！难得可以舒舒服服甘影张合照，太好啦！
系瀑布群影完相，都差唔多11点几了，因为12点要check out，所以我地就落山翻酒店执好行李，跟住check out完就去吃午餐了。因为吃完饭黎上车仲有一段时间，所以我地就去咗一直没去的薰衣草园逛啦，因为系中午，所以个
 鬼死甘猛，真系超级晒超级热啊！！！！！！！不过真系估唔到原黎9月份都仲可以见到薰衣草，而且系一大片，真系几surprise咯！放眼望去，成大片紫色的薰衣草真系好靓啊！不过当你近睇就麻麻地啦！因为薰衣草的花其实都几细咯，睇黎真系要花多力量大啊！ 系薰衣草园晒咗轮，猪仔见仲有时间就去咗D手信点逛，不过讲真，盘龙峡的手信点真系麻麻咯，一D特色手信都没，其实唔系话没，不过系没包装遮，因为都系D山草药，蜂蜜或者D花生，陈皮，最后猪仔剩系买咗酒槽花生同自制陈皮作为手信。（好彩拿翻去银行大家都觉得两样野唔错）买完手信后，我地就坐车翻广州啦！
就系甘，猪仔同老公的盘龙峡蜜月之旅就甘结束啦！系尼两日，两条友无忧无虑甘享受二人世界，发觉咩都唔使唸唔使烦的生活真系好好咯！！！！可惜尼D舒服生活都唔系经常有啊！！
9月30日 sweet sweet的盘龙峡之旅（上部） 27号果日，猪仔同老公的盘龙峡honey moon终于起行啦！虽然唔系初定想去的海南，不过都唔紧要啦！最重要系可以两个人过下D二人世界！
 讲真啦，同老公一齐甘耐，都未试过两个人去旅行咯！今次终于成功去到啦！好开心啊！ 原黎去盘龙峡都好远噶，要成差唔多4个钟头的车程。不过一到步有D失望咯，之前睇广告以为佢好大好靓，不过一去到发觉个门面实在一般，D景就唔系太十分接近广告所讲的咯。不过可能系我地太大期望了吧，所以先会有D甘反映。
其实盘龙峡都唔会好差的，我地今次book咗有天窗的房间，环境的确唔错啊，强烈推荐大家如果要去记住book尼种房间。放好行李我同老公决定先去山上的餐厅吃饭，吃完饭我地就搭专巴翻房间休息，下午先继续其他活动。
训醒觉猪，我地两条友决定坐车上山，跟住再步行落山。原本以为部车会一直开上山顶，点知只系开到半山就没得上，搞到我地要继续步行上山。我地沿着地图一路行，首先去到风雨桥，原本果度有个人造瀑布的，不过可能因为上面水库唔够水吧，所以个瀑布都没水流落黎，搞到好鬼核突。沿住个假瀑布上去，我地到咗桃花湖，果度D风景好靓。周围都系绿色的大山同埋一座座木造别墅，D湖水好绿！而且空气好好！系桃花湖，我同老公都影咗唔少相啊！因为打完台风没耐，所以天气都唔系好稳定，所以行行下就落起大雨，搞到我地要系湖边的一个凉亭到避雨。不过好彩D雨唔系落咗好耐，等雨细咗，我地就继续前进啦。
唉，因为可能唔系旺季吧，山上人影都唔多只，就连工作人员都没，再加上D指示牌唔清晰，搞到我地两个行行下就荡失路，结果行咗好耐，终于去到一个大草地，见到D工作人员，详问之下，先知道原黎我地打算去的寻龙谷因为栈道日久失修已经封咗唔俾人去了。唉～真系郁闷咯！搞咗甘耐，原黎行咗甘多冤枉路啊！没计啦，唯有按工作人员的指示落山啦。
不过好彩有工作人员的指示，所以我地今次就好快落到去水车王国，果度真系好多水车啊，好犀利啊！不过可能因为水流唔大的关系啦，所以好多水车都唔郁。睇完水车，我地继续落山。因为落完雨，地下都几湿咯，所以我地都好小心行。不过原黎落山唔系件容易的事情啊。因为我地一路行个天就一路黑，而且一路落去都没人，好恐怖啊！越行就越惊咯。一开始我地都唔知道会甘，所以都好有兴致到处影相，不过行行下发觉唔多对路，所以我地决定放弃唔再影相，一心就只系唸住快D落山。从黎未试过没人系甘恐怖的咯，果刻我唸我地最想的就系见到人了吧。经过一轮末路狂奔，我地终于成功落到山了，已经6点半有多了，个天仲有少少光，没完全黑晒。落到山，见到有好多人而且有灯光，我地个心终于定晒了。讲真如果我地落迟一阵，真系唔知会点啊！
经过甘刺激的落山之旅，我同老公都劲攰劲饿，于是就到天幕餐厅吃晚餐了。吃完饭，我地就翻房间休息咗阵，跟住就去做推拿沐足，舒缓下大家的疲劳同紧张。嗦孚完之后我地翻房休息啦，睡觉的时候打开个天窗唸住睇星星啦，点知一粒都睇唔到，唉，没计唯有睡觉。房间的空调唔知点解成日突然间就停咗，不过好彩系甘，所以我地先有机会睇到星星。因为唔知训到几点老公发现空调停咗，起身开空调的时候，发现天窗上高有好多星星睇，于是立刻叫醒我睇，真系好多好靓好光的
 啊！呵呵！不枉我地book尼间房啦！终于如愿以偿啦！YEAH！！！！！！ 好开心同老公睇完星星，猪仔就决定继续去稳周公一齐睇星星了！ |
||||||||||||
|
|
