前个排，猪仔参加咗支行同省行分别举行的运动会，支行组织果个运动会就好正统啦，有跑步啦，跳远啦，跳高啦，掟铅球啦，接力赛啦，拔河啦。我地个金因为人多势众，所以就自己组成一队啦。不过虽然人多，真正参与的人其实唔多，大家都没咩积极性。搞到部分比赛没人报名，最终没运动细胞的猪仔就俾人摆上台，被人逼咗去跑男女混合100米接力赛！靠，唸下一只猪可以跑几快啊～～～～结果到咗比赛的时候，猪仔仲要系交棒的时候将人地只鞋踩跌咗，搞到我个队友只能着住一只鞋跑完100米。唉，真系瘀啊～～～～～

      到咗拔河比赛，我地个金果然所向无敌啊，一路领先！到咗最后决赛，虽然我地个对手实在不是太好，不是太有品，用尽方法浪费我地D气力，不过最终我地都齐心协力拉赢佢地，实在大快人心啊～～～～

      同支行的正规运动会相比，省行举行果个就搞笑D，趣味D，因为个主题就系趣味运动会啦，话明趣味，就当然系玩D特别比赛啦，例如几个人抬住个大气球的跑步比赛，戴住个猪八戒面具背住个女生的跑步比赛，系气垫假山上进行的攀岩接力比赛，仲有就系类似超级无敌稳啖食的接波波比赛，总之每个比赛都要一大班人玩，所有项目都讲求团队合作性咯。而且有好多搞笑场面发生，每个支行的代表都好努力甘去比赛，全身心投入啊！！

      当然啦，除咗尼D大比赛，各个支行都准备咗摊位供大家参加，而且仲有礼物收，感觉同嘉年华好似，都好开心！！！

      入中行甘耐，第一次参加运动会，重要参加两个唔同类型的，真系好过瘾，好开心。而且仲可以见翻一班熟悉的面孔，真系好有亲切感好难忘咯！！

   寻晚系我地海珠支行一年一度的表彰兼春茗晚会。同上年一样，都系去咗番禺的四海一品食。不过今年可能因为唔景气拉，所以D奖品啊，菜式啊都缩水得好犀利！不过其实有得食大家都好开心的啦！之前大家都担心没得食，不过好彩最后都系有。起码都可以俾到大家唔少安慰的。

     寻晚，猪仔同婧婧去咗天体睇小猪的演唱会，实在太兴奋，太开心啦！由系电视度知道佢要黎广州开首个个人演唱会开始，猪仔就决定一定要去睇啦，可惜老公对尼样無兴趣，不过好彩最后猪仔稳到同我一样甘钟意小猪的婧婧一齐去睇，系买到票个刻开始，我地两条友就开始亢奋甘期待演唱会尼日的离临啦！

　　唔知点解，尼两个星期成个人都好攰好郁闷，可能因为做野太辛苦啦，而且成日都要处理Ｄ麻烦事麻烦人，搞到成个人都几崩溃。去咗银行卡都有个1个几月了，原本以为唔使再烦处理Ｄ客户问题，点知，始终都系要对客。

     唔使系柜台，大家都话好，其实的确有好的地方，上班时间固定咗，就算点夜走都唔会超过8点，中午有两个钟休息，周末有得固定双休，一切睇落都好好。但其实原黎系办公室都唔系咩都好的。至起码唔可以再学似系网点可以选择休息时间啦，人工又少佐啦，仲有就系每日都無可能完完全全做晒所有的野，个脑时时刻刻都唸住工作，唸住要处理的客户问题。

     可能系因为猪仔太有责任心，又或者猪仔太怕麻烦了吧！依家每日都有唔同的问题要处理，网点的问题，客户的问题，每次一接到电话，就代表又有新的问题要解决，可以即刻解决的就最好啦，但往往有D问题系要花时间花精力去解决，而且可能唔系一次搞掂。每日都要惊自己处理得唔好会有手尾。越黎越发觉自己好唔圆滑，好无讲野的能力，好無处理事情的能力。以为唔使再对住D陌生人低声下气甘道歉，赔不是，但每日都要讲几次。一切睇落都唔关我事，但一切都要我去处理。原因好简单，因为我系负责客服，我系代表银行，所以我就要做。

     今日同老公唸住去睇电影，点知去到电影院，多人到爆！最后唯有放弃翻屋企。猪仔先发觉以前舒舒服服睇电影的日子已经不复存在了。周末出街周围都系甘多人，真系好唔舒服，好压抑咯。老公要我下个月陪佢去香港，原本佢要我8，9号去，但我睇下日历，发觉系星期四，五，我就知道無可能了。如果系网点，我唸尼D事情都唔会发生咯。突然觉得自己唔可以主宰自己D休息，等自己可以舒舒服服甘睇电影，同去旅行，真系几悲哀下。

     咩叫有得有失，猪仔今次都终于明白了。可以体会到点解之前卢宇峰话羡慕我仲系网点的日子了。其实人就系甘奇怪的了，失去了先开始怀念以前。

    今日猪仔牛一，比起上年的生日，今年有D唔同。今年猪仔要返工，因为去咗新部门，所以無得学似系网点的时候甘可以选择生日休息，無计啦！不过好彩今日一切都顺利，没咩唔开心事情发生，唯一无聊就系要晨早8点翻去参加个火警演习，真系超级无聊啊！！！！

    其实系盘龙峡的第二日，猪仔同老公都没咩活动，一早起身去咗吃个免费自助早餐，感觉都OK啦，中西早餐都有，两条友都吃到好饱！跟住我地就继续上山去影相啦。因为之前都没好好影相，所以要好好利用剩余的时间去影相！

   

        27号果日，猪仔同老公的盘龙峡honey moon终于起行啦！虽然唔系初定想去的海南，不过都唔紧要啦！最重要系可以两个人过下D二人世界！讲真啦，同老公一齐甘耐，都未试过两个人去旅行咯！今次终于成功去到啦！好开心啊！

          今日系一年一度的七夕，系中国的情人节，虽然同老公过情人节都唔系第一次了，但今次系公开关系后过的情人节咯！虽然晚上我地没去特别的地方过二人世界，反而系我去佢屋企同佢阿妈一齐吃饭！不过猪仔都好开心，因为收到好大好大一扎花哦！！SO SWEET喔～～～多谢亲爱的老公！！！我好爱你喔～～～

    好热啊！！！每日都过住烧猪的日子！离开空调，就热到想死！！个日日都鬼死甘劲，猪仔就算早出晚归，皮肤都黑咗唔少啊，又向黑猪过渡啦！！！！原本唸住下个月同老公去海南玩，不过经过尼几日，都系决定放弃好啊！广州都鬼死甘热了，去到海南，实死得啦！延期好了！

    好耐都没黎spaces了，睇翻最近果篇，竟然系5月份。靠，果时仲念住一日一篇，点知。。。。。。。。唉，真系懒啊～～～～～～其实尼几果月真系发生好多事咯，但就系因为懒，所以都没黎spaces度发表下，发下牢骚，讲下自己的心情。不过猪仔发觉自己的忍耐能力真系劲咗好多咯，俾着平时，可能一早就上黎发颠了！Anyway,D唔开心的事情都过去了，唔讲好过！

　　　今日系广州传递圣火的BIG DAY虽然猪仔好想去睇，但无奈要上班，唉～唯有同圣火无缘了！不过我地广外的校长徐真华竟然有份做火炬手啊，好犀利啊！身为广外的毕业生，猪仔觉得好兴奋，好自豪啊！！尼个就系我地校长啦，佢负责白云山果段，第12棒，好多广外的学生都去捧场啊！睇下佢跑得几有型！（12 传递-跑步6.0 广州市白云区 军区门口左侧第一棵小树 2.20 厦门金龙门口对面前行第二棵树 2.40 8:36:57 0:02:00 0:38:57 0.20 2.40 　 徐真华 ），另外我地中行广东省省行行长陈四清都有份当火炬手！（183 传递-跑步6.0 广州市天河区 临江大道002路灯 35.62 华穗路碧海湾对开路灯015灯柱 35.82 17:09:11 0:02:00 9:09:11 0.20 35.82 　 陈四清 ）但猪仔稳咗好耐，都没稳到陈行的图片咯！
         今日多得奥运圣火，所以银行都好少人，所以都好鬼死正！听日又要过翻多人的日子啦！舒服的日子就系短啊～～～～～

     大学聚会完，饭团老公黎咗学校接我，因为佢唸住去太平洋买U盘，而猪仔就唸住去睇下显示器的价钱。因为受“浣熊”的影响，所以下昼的雨量同风量都明显变大咗，而太平洋果边又因为高楼多，所以搞到鬼死甘大风，虽然有遮，不过都系几乎成身湿晒！因为老公稳唔到人地介绍果间卖U盘的店，所以我地逛咗阵就去咗天河城果边了，因为猪仔要去广百到拿野。

    星期六果日，我地一班大学同学翻到广外聚会，今次参加的人分别有朱生，适适，林枫，猫猫，nana，小晖同埋猪仔我。一开始我地约定系食最鲜到食中午饭，再见翻大家，发觉样都没变，只系身边的经历变了。

    尼两日极其黑仔，黑到唔知点讲好了，被个客追讨损失的利息，被人落牛肉干，一切皆因无人教我点做业务。心情极度郁闷+低落！最近网点又人事调动了，不过都系副职俾人调动，之前就主管调动，睇住尼D人事调动，猪仔又系度唸几时先可以到我被人调啊？？？？仲有唔够3个月就1年了，当初没入中行个个人拍晒心口话好快就可以入部室，绝对唔会系网点留好耐，但根本都系呃人的，的确系升啊，的确系上部室啊，但系人地唔系猪仔我啊，一直甘努力，但就完全被人遗忘，新一批大学生都入咗黎实习了，仲要系到部室，除咗无语都系无语！！！如果人地依家问我做银行好唔好，我就可以好肯定甘答，只要唔系网点就一定好！因为你绝对唔会担心失钱扣分同埋俾唔同的人闹！  　　

    由今日开始，猪仔同饭团老公就正式搭入七年之痒的期限咯！其实唔明白点解会有尼个讲法，不过都无所谓啦，猪仔觉得人真系要痒，几时都会发生，唔一定等七年甘耐！对于七周年纪念日，猪仔紧系隆重对待啦！一早就落咗警告俾老公，一定要见面，搞到病到死下死下的老公都唔敢say no！

    

   

 

   

    适逢三八妇女节，支行组织全行上下齐齐去旅行，今次一共分咗几批去，而猪仔就安排系最后一批。虽然话最后一批，但都系最多人的一批咯！原黎河源离广州都几远噶，猪仔坐车坐到pet pet痛都没到，觉都训醒了，部车都仲系系条高速公路到狂奔紧。一到河源都已经话食中午饭了，一场大战后，我地就坐车去到第一个目的地野趣沟啦，话明野趣沟，就当然有条细到没得再细的水沟啦，好在D水都好清。不过竟然有人系条沟度洗脚！天啊，等我仲特登掂下D水，感觉下冰凉的感觉！一路行山路上山，吸收咗好多负离子啊，希望可以减D肥肉啦！发觉同行的人都几闷，所有人除咗我地昌岗3条女人好有mood到处玩，到处影相，其他人，行到一半就唔见人咯，估计都系落翻山到车上无聊啦！结束的时候发生咗件几激气的事情咯，我地见未开车就落车影下大门口棵桃花树咯，导游都睇到我地落车，但点知拍完，竟然发觉佢地开车走人！跟住我地3个就即刻一路狂奔追车啦，好彩车上D人提醒，佢地先及时停车，等我地上翻车。真TMD郁闷！

 

   今日终于鼓起勇气，同老妈子讲咗同老公D野。不过都系讲咗一个大话，因为我只系同佢讲老公系到追我，而唔系我地拍紧拖咯！猪仔真系无勇气坦白讲我地一齐的事情咯！毕竟否认咗甘耐！真系唔想拆穿尼个大话！拆穿惊乖怪女形象無晒。。。。搭车果时阿妈问我老公D野，我都一五一十讲咗，包括佢细我两个几月，佢系机场做野的事情，读咩专业，佢几高and so on（当时紧张到都唔记得仲问咗D咩问题）不过当阿妈问我有没见过佢父母，猪仔一口就否认没！当然又系大话啦！话有仲得掂的。公开咗，但系慢慢开始后悔了，开始觉得自己系米太冲动了，尤其系阿妈问有关老公的事情时。虽然知道系阿妈都会问，但真系好担心会讲错野，搞到阿妈唔钟意老公。虽然阿妈话你自己钟意就试下咯，我都好开明的，唔会反对。但系始终猪仔都好担心咯！老公依家的情况，真系俾唔到信心我带佢见家长。

    唔知唔觉就快1年了，1年前的今日，猪仔仲系到为咗考研而努力，一年后的今日，猪仔一样系到努力，但对象就变咗，今次系为咗离开果个令人崩溃的地狱。又有竞聘了，今次有猪仔想到的部门，而且竞聘要求都唔高，所以猪仔决定奋身搏一铺，希望可以有机会！经过上次的竞聘事件，猪仔终于醒觉了，机会真系要自己争取嘎！如果唔争取，甘就只有一直默默无名。今次一定要努力啊！床底D课本又要出动啦！GOOD LUCK TO ME啦！   

     寻日猪仔休息，原本就应该系屋企长眠或者去下街街的嘛，点知行领导要黎听年度述职报告，仲要神七甘早到网点听，无办法，虽然极其十分以及非常唔愿意，但都只能乖乖甘6点起床，7点半翻到银行。原本以为听完就算啦，点知王主任话晚上重要翻多次因为早上系听主任述职，晚上就系听其他同事的述职。晕～原本以为听完主任述职可以撇啦，点Q知领导要逐个面谈，靠，因为猪仔唔使上班，所以無得走鸡。估唔到个面谈都可以搞到10点，唉，可怜的管家就系恒宝等咗我成个几钟，真系辛苦佢啊！！！同管家逛咗成日恒宝，收获就只有一盒屈人寺的化妆棉同埋一级棒送的台历，而管家就只有一盒面膜 ！发觉我地两个都好难买衫，睇中的D职员又唔俾试，最激气的系睇中件黑色外套，问佢可唔可以试，条死PK职员竟然话，可以，不过件衫修身的啵。你阿爷啊，摆明话我肥着唔落遮，算！就算有钱我都唔帮亲你！甘Q窜！因为尼几日年终结算，所以银行4点就关门了，所以猪仔4点的时候就搭车翻去银行。

     大概4点9猪仔翻到银行，但因为大家都没埋数没打箱，所以唯有无奈甘等咯，偏偏个手机又没电，真系祸不单行啊！好彩有D同事完成手头的工作，有D就休息翻黎，所以我地几个就食下薯片吹下水。终于等到大家都搞掂手头上的野了，一睇表，顶你个肺，6点2了，死，约咗周艳仪吃饭迟到添！第一个同事读完篇述职后，以为到其他人读啦。点Q知主任话要开会！顶！明知休息果几个个个都有事要走，仲要开会！佢都掂了。个会唔开由自可，一开就把几火！主任同我地讲，我地个存款任务完成唔到，原因好简单，因为佢思前想后，同上面领导商量后，决定放弃个大客笔3千几万的存款，因为个客笔钱下个月2号会走。佢怕影响省行对我地海珠支行存款考核的时点数，因为省行对我地海珠考核时间系今个月25到下个月5号。佢又话要尼个客过黎，我地又要出唔少的经费。所以综合一切，佢决定放弃个客，代价就系完成唔到今次个存款任务，但一定要完成明年开门红果四项任务！天啊～～～～其实成个海珠支行的任务都完成啦，果3千万都系锦上添花遮，唔明白有咩影响，但笔钱对我地网点就好重要了，因为我地个任务系记到31号，完成咗就無野啦，理去下个月几时走咩。依家搞到仲烦，开门红果4个任务已经唔轻啦，可以完成其中一两个已经好犀利了，依家俾佢甘搞法，全部人都要陪住死！更变态的系，主任搞到完全唔关自己事甘，竟然搞每个人落任务，最变态就系定埋要亲戚朋友帮几多的任务。扑佢街啊！自己完成唔到任务，就要我地搞掂，尼两个月大家连固定假都没了，系甘死做烂做，佢自己同个理财经理都唔知做咩，完成唔到任务就剩系识得同上面谈条件，跟住就难为我地D细的。都唔明白点解仲可以坐个位坐甘耐！怪唔知得个个都想调走啦！跟住D甘失败的人做野，几有激情都变冷血啦！

     好崩溃甘开完个会，想走的时候，主任又突然话要交团费，仲要我负责收齐，#%&×……%（已经唔知闹咩粗口好了），个个都赶住走，头先又唔讲，问佢网点有边个系团员，又唔知，搞到要逐个问，又晒咗唔知到几分钟的时间（呢个时候猪仔已经迟晒大到了），问人收钱啦，又無散纸，叫人帮我听日交啦，一个推一个，最后忍無可忍，决定自己今日柜员机转账帮所有人交。

     寻日成日都好崩溃，好郁闷，重要搞到管家同周艳仪等我甘耐，真系very sorry啊！！！！！俾主任甘搞法，我唸大家明年都無激情做野了，做得甘幸苦都废的！佢一个决定就将我地的努力都付之东流晒了。。。。。。

 

　　最近唔知点解，想搞搞个spaces，但系每次一搞就死浏览器，无奈之下唯有放弃。寻日猪仔down咗两个新浏览器，终于俾我得咗，可以成功更新个相册同播放器，睇黎以后都只能用TT尼个浏览器黎搞spaces了。