猪仔 的个人资料Pigじゃんの家照片日志列表更多  |  工具 帮助 |
|
9月27日 结束 同你一齐就快7年了，尼7年每日都过住D唔见得光的日子，每次拍拖都系甘偷偷摸摸，就算自己几唔开心，但都天真甘认为因为我地仲读紧书，所以只能甘样，等到出黎做野，就可以见光了，你就会同佢屋企个闷人公开我地的关系，甘我地拍拖就可以拍得光明正大了。但原黎完全系我自己单方面的唸法，你根本就無打算公开我地的关系，因为我地都系上D轮休的工，所以根本都好难见一次面，但有机会见的时候，又因为同一个原因，一次次甘失望，食白果。既然甘怕闷人，点解仲要同我系一齐？我已经唔甘奢望你可以俾到舒服的日子我过了，但起码你都俾我光明正大甘拍拖啊！总之系你心入面，就系有佢没我啦！我永远都系被牺牲果个人，既然系甘，不如早D结束好过啦！同你拍拖根本就没见光果日，做野已经好辛苦了，仲要俾你甘折磨，甘玩，我真系对你无晒希望了。7年了，真系受够了！既然系唔可以公开的恋情，甘拍黎都無意思了。早点分手对大家都好，唔好再拖了！我没甘多青春耗费系你身上。 9月22日 工作2个月了 唔知唔觉原黎出黎做野都成2个月了，其实咩都习惯了，早起，晚归，多野做。不过唯一唔习惯的都系俾客闹，虽然依家猪仔已经学识凶翻D客，不过有时D客真系好蛮不讲理，同埋闹得好难听咯。无理取闹应该就系佢地惯用的计量，发觉D客户永远都钟意为难你，咩都自以为是，同佢唸法唔同就即刻叼你了。就算你为佢好，佢都唔会领你情。每日都唔知要做几多次吃黄莲的哑巴，真系郁闷到极点啊
 虽然实习的网点好细好多野做，但基本上个个人都好好玩，师傅啦，琼姐啦，斌少同埋阿丰，当然啦，仲有平时工作虽然好严谨，但都好玩得的王主任，虽然网点仲有其他两个同事，不过我觉得都系佢地最照顾我，最好玩咯
 ！记得琼姐讲过我地网点虽然细，做得多但学唔到好多野，但胜在大家都好团结，好玩得，工作起身好舒服。大网点虽然学到好多野，但办公室政治就最多，尤其系科室入面，而且小圈子都好多，除咗工作之余仲要兼顾人际关系咯。讲真啊，其实对我黎讲去边度都无所谓，不过睇见其他都分去D大支行，可以学好多野的同学，我真系好羡慕噶！虽然好多人话好快就可以调翻部室，但猪仔觉得肯定唔会啦！已经做好留系昌岗n个月实习的心里准备了，不过睇到其他同时招入黎的可以调去大网点，猪仔都好羡慕咯，好希望可以去下第间网点学下其他知识咯。9月4日 又到开学日 前日因为有D事翻咗广外，真系百般滋味在心头啊！原本熟悉的事物，都开始觉得陌生了！学校已经开始多人了，因为就快开学了，正门条主干道都好热闹，因为各个学院的准备紧星期日的新生报到。唸翻４年前四猪仔报到的时候，到依家都清楚记得，记得第一次踏入宿舍E203，第一次认识NaNa,晖晖同埋园姐 ,4个女生因为缘分一齐相处4年，的确好难忘！记得刚开始的时候因为宿舍信号差，我地4个齐齐企阳台发短信的日子，已经唔记得从咩时候开始大家开始熟落，开始夜谈生活了。到依家都好想可以4个女仔训系床到车天车地咯！
通常第一日翻学都好唔惯，时不时就哀叹点解甘快开学。。。但系今日，出黎工作了，个心就一直好希望可以再翻学校上课，哪怕系超级闷的课，我都愿意上！
开学了，希望在校的各位能够好好珍惜尼1年的学生生活，因为你地真系好幸福！ |
|
|
