猪仔 的个人资料Pigじゃんの家照片日志列表更多  |  工具 帮助 |
|
4月21日 sweet sweet的台风天 大学聚会完，饭团老公黎咗学校接我，因为佢唸住去太平洋买U盘，而猪仔就唸住去睇下显示器的价钱。因为受“浣熊”的影响，所以下昼的雨量同风量都明显变大咗，而太平洋果边又因为高楼多，所以搞到鬼死甘大风，虽然有遮，不过都系几乎成身湿晒！因为老公稳唔到人地介绍果间卖U盘的店，所以我地逛咗阵就去咗天河城果边了，因为猪仔要去广百到拿野。
去到天河城果边，都系一样情景，超级大风大雨！两条友狼狈甘入到广百，去AUPRES拿赠品的时候，猪仔顺便买咗卸妆液同埋佢地新出的化妆棉。埋完单翻去的时候，一时贪得意听咗个美容顾问意见，坐低做皮肤测试，今次的结果竟然话我缺水！！！！天啊！2月份去HK的时候系FANCLE做测试的时候皮肤都没有缺水尼个情况，唉～都唔知系米真的！跟住个美容顾问就拿咗几件AUPRES的产品俾我试，唉～就甘上咗賊船啦！经过佢好耐心甘讲咗一大轮野之后，猪仔唔忍心话唔买，所以就又买咗支润肤水同润肤霜，甘又没咗3百几蚊啦！猪仔D钱真系易厄啊！不过个美容顾问都算识做，送做几多试用装俾我！
做完水鱼，我地就去到卖运动产品果层买鞋！因为饭团老公话我对鞋旧，而且衬裙的时候唔好睇，所以决定买过对俾我！哈哈，有人买鞋俾我猪仔紧系收啦！原黎买野唔睇价钱系甘爽噶～～～去到NIKE，左拣又拣最后拣咗对落雨天绝对唔可以穿的鞋！睇都唔睇价钱就同个sales 讲，就尼对！跟住将张单俾老公罗去俾钱～哈哈！正啊！
买完鞋，因为老公要去环市路的友谊买预订好的TOUCH的保护皮套，于是两天友就一人抱住一袋冒住狂风暴雨搭公共汽车去友谊，原本唸住打的，不过甘样的天气，根本无可能打到。买完皮套，我地就去咗世贸间喜客（http://crystalliang.poco.cn）吃饭！吃完饭出黎，发觉终于停雨了，而且空的都出翻晒黎，于是我地二话不说就扬手即停打的翻屋企。
同饭团甘耐，都系第一次系甘恶劣的天气拍拖扎！虽然狼狈，不过真系好难忘，而且仲收到礼物，真系好开心，好sweet啊！！！！不过唸唸下，原黎我地每次出街花费都几多噶～睇黎要反省下拉！ 星期六果日，我地一班大学同学翻到广外聚会，今次参加的人分别有朱生，适适，林枫，猫猫，nana，小晖同埋猪仔我。一开始我地约定系食最鲜到食中午饭，再见翻大家，发觉样都没变，只系身边的经历变了。
朱生毕业时选择自己创业，但因为多方面原因，最后失败咗，依家去做星河湾到做HR方面的野
林枫就顺利拿到去USA读研究生的offer，下个月就准备奔赴美国了
适适就迟咗之前做开的会计工作而选择咗全职炒股尼个职业
猫猫就拿到本田国际结算部的offer，平均月薪5千几蚊啊～～～～～～～～
nana就决定选择东亚银行的offer，下个月就准备上班了
而猪仔同小晖就咩都无变
差唔多吃完的时候，佳佳黎咗，发觉佢身型没咩点变，但头发就。。。。。唔通做辅导员都会甘？？？吃完饭，我地就系校园入面逛下，依个时候的广外真系好靓，因为周围的树木花草都甘绿油油，俾人好舒服的感觉，真系好想继续留系到，继续翻学生的生活啊！！！逛下逛下，我地就去咗图书馆的云山小站到饮野继续吹水，其实话吹水，但大部分时间都系我地班人系到听朱生讲佢的失败经历，同埋佢的各种创业大计。
毕业就快一年了，我地金融035班的各位都系唔同岗位开始紧自己的另一段人生，而且已经有人打算今年结婚了，真系恭喜晒啊～～～～～～～～记得大一果时，大家俾人的感觉就系一盘散沙，但到依家，大家就变得如此紧密，毕业了，对于我地黎讲并唔等于结束，聚会依然会延续落去～～～～ 联系唔会就甘断咗！ 4月16日 尼两日极其黑仔，黑到唔知点讲好了，被个客追讨损失的利息，被人落牛肉干，一切皆因无人教我点做业务。心情极度郁闷+低落！最近网点又人事调动了，不过都系副职俾人调动，之前就主管调动，睇住尼D人事调动，猪仔又系度唸几时先可以到我被人调啊？？？？仲有唔够3个月就1年了，当初没入中行个个人拍晒心口话好快就可以入部室，绝对唔会系网点留好耐，但根本都系呃人的，的确系升啊，的确系上部室啊，但系人地唔系猪仔我啊，一直甘努力，但就完全被人遗忘，新一批大学生都入咗黎实习了，仲要系到部室，除咗无语都系无语！！！如果人地依家问我做银行好唔好，我就可以好肯定甘答，只要唔系网点就一定好！因为你绝对唔会担心失钱扣分同埋俾唔同的人闹！
最近猪仔觉得自己真系做错人生最大的决定，就系放弃读双学位的机会，而改为考研！明明咩都唔做就可以读双学位，但自己就偏偏要去考研，结果搞到自己依家甘，想再考根本就谈何容易。。。。。。今日听到谬谬话收到交行同东亚的体检通知，真系好蹬佢开心！同时有两个offer，但反观自己，唔系靠人帮，到依家都可能仲系某条街某个楼盘系度派紧传单，做紧份没息休的证券公司投资助理尼份毫无保障毫无前途的工作。做野甘耐，一D起色都没，连当时一齐面试的6个同事，唔系系支行级网点做，就系升咗去部室，大家都甘有前途，都没俾人遗忘，但自己就只系个最低级的3级分理处的小小经办，尼种情况要维持几耐，我唸最坏打算就系到合同终结吧。依家猪仔每日最大的心愿就只有一个，希望可以收到调点或者可以上部室，但尼一切已经越黎越遥不可及，已经变成奢望了！就连希望借调去广交会做都無可能实现！唉，两个字！失败！ |
|
|
