猪仔 的个人资料Pigじゃんの家照片日志列表更多  |  工具 帮助 |
|
2月8日 今日终于鼓起勇气，同老妈子讲咗同老公D野。不过都系讲咗一个大话，因为我只系同佢讲老公系到追我，而唔系我地拍紧拖咯！猪仔真系无勇气坦白讲我地一齐的事情咯！毕竟否认咗甘耐！真系唔想拆穿尼个大话！拆穿惊乖怪女形象無晒。。。。搭车果时阿妈问我老公D野，我都一五一十讲咗，包括佢细我两个几月，佢系机场做野的事情，读咩专业，佢几高and so on（当时紧张到都唔记得仲问咗D咩问题）不过当阿妈问我有没见过佢父母，猪仔一口就否认没！当然又系大话啦！话有仲得掂的。公开咗，但系慢慢开始后悔了，开始觉得自己系米太冲动了，尤其系阿妈问有关老公的事情时。虽然知道系阿妈都会问，但真系好担心会讲错野，搞到阿妈唔钟意老公。虽然阿妈话你自己钟意就试下咯，我都好开明的，唔会反对。但系始终猪仔都好担心咯！老公依家的情况，真系俾唔到信心我带佢见家长。
寻日同老公一齐吃饭，开始觉得自己系米拣错人呢?觉得同佢一齐没未来，可能自己有D传统啦，觉得人一定要识得储钱，为自己未来打算。但老公就偏偏达唔到尼点，做野甘耐了，一分钱都没储过。记得07果时，佢实牙实齿甘话08年会开始储钱，但结果系。。。。。除咗用绝望尼两个字形容猪仔的心情，都无其他词可以形容咯。如果系有几多洗几多就算啦，但佢仲要问人借钱，银行的卡数要阿妈还。发觉佢真系过分到無人有了。一日到黑话做人一定要识享受，但问题系享受系唔应该要其他人付出嘎！而且要自己知自己事啊！甘大个人了，仲要阿妈每个月帮你还债，仲要好威甘，究竟有没D廉耻嘎！唔俾家用就算啦，钟要屋企人倒贴，极其十分以及非常之顶唔顺！
虽然一齐7年了，身边的朋友都催我地快D结婚，但讲真，我真系没勇气嫁俾个甘样的人。
|
|
|
