猪仔 的个人资料Pigじゃんの家照片日志列表更多  |  工具 帮助 |
|
11月26日 又大一岁啦！ 终于到23岁啦，唔再系青春少艾了，18，22由今日开始再唔系属于猪仔的了。虽然好唔舍得，不过人始终要大，23岁，猪仔要踏入人生另一个阶段了！今年的生日真系好开心啊！因为有一大班friend陪我一齐倒数，一齐切蛋糕，当然最最最重要就系老公系我身边陪住我！今年吃咗两次蛋糕，吹咗两次蜡烛，希望我许的3个愿望都可以实现啦！不过可能因为太开心啦，结果都唔记得影相留念，明年一定要记住影相！系度要多谢所有同我讲过生日快乐的人,当然最最要多谢的就系我最爱的老公，阿YEN，婧婧，朋朋，阿四，FOX，仲有辛苦为我地大家按摩的DR CHAN，同埋我死党小仪仪，娜娜and小晖晖啦！多谢你地同我讲生日快乐，有你地尼班老死为我庆祝生日，我真系好幸运好幸福啊！I  YOU ALL！ 11月18日 储蓄大决战 以前成日听D大人讲银行拉存款的事情，但就从黎無唸过原黎吸存系件甘痛苦的事情。就因为存款数下跌得犀利被省行通报批评，行领导就决定搞个储蓄大决战，2个月升8个亿！所有网点都落任务要增加存款量。唉，猪仔所在的网点当然唔例外啦，仲要衰到落的任务鬼死甘重！3700几万！！！！！！！！！靠，点拉啊？就得对私业务，点努力都好难达成啦！虽然问师傅达成唔到任务会点，佢就答除咗年尾花红少D之外都没咩影响。不过自从开始大决战以黎，大家都变得好辛苦，因为原本固定的星期六休息都被剥夺，要开门营业，全月无休！虽然大家每日都好努力甘厄存款，但辛苦得黎的成果好快又化为乌有，因为一个客过黎办转账，一下就几十万，唉，增加的存款量都唔够流失的多啊！！不过就算工作辛苦，周末没得休息都算啦，竟然仲搞咩每日吸存排名，倒数的仲要扣钱，每人50！真系没阴公咯！发觉海珠支行为拉存款真系招数不断啊！除咗依家全月无休，仲搞存款有礼！中行因为系奥运唯一银行合作伙伴，所以好鬼死多奥运纪念品送，只要30000以上，一直放到明年1月中唔唷就有礼物送，当然啦，存款金额越大礼物的价值就越大啦！除咗奥运礼品，竟然连油同米都有得送，真系厉害啊！唔知有没人真系为咗D油同米到中行存钱呢？不过最变态就系跨行转钱过黎存，金额够大仲返还翻手续费俾你添！为咗增加存款真系无所不用其极啊！
总之依家猪仔都無咩唸啦，反正每日就尽力厄啦，能厄几多就几多，起码等人知道我有努力啊！屋企人都唔帮手了，都只能靠自己啦！ |
|
|
