猪仔 的个人资料Pigじゃんの家照片日志列表更多  |  工具 帮助 |
|
10月25日 离开中国银行，实现心中理想 问：世界上最痛苦的事是什么？
答：在中行上班！ 问：那更痛苦的是什么？ 答：天天在中行上班！ 问：那更更痛苦的呢？ 答：天天在中行上班还要加班！ 问：那比更更痛苦的还要更痛苦的是什么？ 答：天天在中行上班还要天天加班！ 问：最后再问一下，那比天天加班还要更痛苦的是什么？ 答：天天在中行上班还要天天无偿加班！！ 10月24日 十一放假以黎，都好耐没系space写过野了，其实好多次都想上黎写下野，发泄下，不过因为真系太攰了，每日吃完饭（应该算宵夜了），冲完凉都差唔多11点几了，同Dfriend（同事）互相发泄下，互相鼓励下，互相同情下，甘样就过咗屈闷的一日了。越黎越羡慕读书D人，做学生真系好幸福！至十一以黎，猪仔就黑仔到无法形容，不断出错，每次出错都麻烦到成个网点的同事同主任，大家一次次甘帮我补擭，真系好唔好意思，尤其系师傅，因为我的原因，令到佢成日都被副主任闹，唉～～～～～觉得自己真系唔系一个好徒弟啊！今个月应该算又一个黑仔月咯，猪仔觉得尼排的表现，一定令到主任对我的良好印象大打折扣咯。依家唯一可以做的，就系系点钞机到贴住张纸提醒自己一定要注意的地方，千奇唔好再犯了。
今日琼姐问我几时摆谢师宴，我就话几时都得啦，我准备好的啦，就睇大家几时得闲，同埋去边度。其实请大家吃饭happy猪仔一早就有打算了，因为佢地帮我实在太多了，尤其系师傅，即使要我大出血，我都心甘命抵咯！唔请大家吃饭，我个心真系果意唔去咯！
尼排师傅一直话自己好快调走，因为就够3年期限了，希望系我调走之前师傅都唔好调走啦，可能有D自私啦，因为明明知道师傅系昌岗做得唔开心，D烦恼日积月累，但如果师傅走咗，猪仔就觉得以后帮我补擭的人就少一个，而且系最重要果个。
仲有1个月多DD，我就23岁啦！希望到23岁的时候会有新的转变啦！入中行前，不断甘听人讲我地D本科生好快就可以上科室，唔使系网点，但3个月过去了，自己一D消息都没，但认识的其他同一批07届招的同事中，有D都已经调去科室，唔使日日俾客闹。除咗羡慕，猪仔咩感觉都無了，已经唔敢去唸几时可以离开菜市场尼个地狱了，依家但求唔出错就好了！ 10月2日 大学聚会 9月30号果晚，一班大学同学系钱柜聚埋一齐疯狂咗成晚，虽然無见一排，不过大家依然都没点变，唯一变的系话题上多咗工作尼样野。一班人都仲系甘颠甘好玩，见到大家，就好怀念学生的生活。终于体会到点解D大人会话读书的时候系最幸福的时候！不过因为猪仔第二日仲要翻工，所以逼于无奈要提早走，真系一万个唔愿意啊！！好想再stay耐一阵，同大家尽情放纵一晚！！不过我相信只要大家有再聚的心愿，就一定可以再聚过，再疯狂过！！ |
|
|
